Clipeus Minervae (ferculum)

Latinitas bona
E Vicipaedia

Clipeus Minervae πολιούχου fuit patina sive ferculum ab imperatore Vitellio anno 69 famosissime inventum et hoc nomine "ob immensam magnitudinem" ab inventore ipso dicatum,[1][2] sed a Muciano ter consule Palus Vitellii. Verbum Graecum πολιοῦχος "urbem tenens" sonat, sed, eadem pronuntiatione, una littera tantum mutata, πολυοῦχος "multa continens" sonat: quem iocum verborum imperatori ipso adscribit Carolus Murison (vide bibliographiam).

Hac in patina, secundum Suetonium, Vitellius "scarorum iocinera, phasianarum et pavonum cerebella, linguas phoenicopterum, murenarum lactes a Parthia usque fretoque Hispanico per nauarchos ac triremes petitarum commiscuit".[1]

In hoc ferculum praeparandum, ingens patella argentea facta est, quam Hadrianus in culina imperiali repperit et dissolvi iussit.[2]

Notae[recensere | fontem recensere]

  1. 1.0 1.1 Suetonius, De vita Caesarum, "Vitellius" 13.
  2. 2.0 2.1 Xiphilinus, Epitome historiarum Dionis Cassii, 193–194 R.St.

Bibliographia[recensere | fontem recensere]

  • Dalby, Andrew. 2001. "Dining with the Caesars." In Food and the memory: papers of the Oxford Symposium on Food and Cookery 2000. Edidit Harlan Walker, 62–88. Totnes: Prospect Books.
  • Grocock, Christopher, et Sally Grainger. 2006. Apicius: A Critical Edition, p. 375. ISBN 1-903018-13-7.
  • Murison, Charles L., ed. 1992. Suetonius: Galba, Otho, Vitellius, 161–162. Londinii: Bristol Classical Press.


De hac re nexus intervici usque adhuc absunt. Adde, si reppereris.