Cervesia radicalis

E Vicipaedia
(Redirectum de Cervisia radicalis)
Salire ad: navigationem, quaerere
Cervesiae radicalis spumantis poculum.

Cervesia radicalis (Anglice: root beer) non est vera cervesia, sed potio dulcis et spumans Americana, praesertim parvulis, grata, nullo pacto inebrians, ex vanilla, cerasi cortice, glycyrrhiza, sarsaparillae radice, radice sassafrae, nuce muscato, aniso, mellaceo sacchari, et aliis concoctis, sed aliis cervisiis radicalibus alia praecepta. "Radicalis" dicitur causa radicum inter impensa, sed hodie raro fit e veris radicibus.

Aliae herbae quae nonnumquam cervisiis radicalibus adduntur sunt fructus pimentae, cortex betulae, coriandri semina, iuniperus, zingibera, gaultheria, lupulus, arctii radix, taraxaci radix, spica nardi, chimaphila, guaiacum, lindera, rumex, mel, trifolium, cinnamonum, zanthoxyli cortex, iucca, quillaia, triticum repens, et aliae substantiae.