Calymnos

E Vicipaedia
Salire ad: navigationem, quaerere

Vide etiam paginam discretivam: Calymnos (discretiva)

Calymnos
Δήμος Καλυμνίων (Κάλυμνος)
Calymnos (Greece)
Calymnos
Calymnos
Indicia fundamentalia
Civitas Graecia
Regio Aegaeum Australe
Unitas regionalis Calymnos
Area 134.544 km²
Numerus incolarum 16576
(census anni 2010[1])
Spissitudo incolarum: 123 incolae per km²
Latitudo 36° 59' N
Longitudo 26° 59' E
Sedes administrativa Calymnos
Pagina interretialis www.kalymnos-isl.gr/en
2011 Dimos Kalymnion.png
Situs demi Calymniorum in regione Aegaeo Australi

Calymnos (Neograece Κάλυμνος), antea Calymne (Graece Κάλυμνα) est insula (et demus) a Coo ad boream versa, in catena insularum Dodecanesi inclusa. Iam ab Homero memorata (vide infra) antiqui imprimis de melle, quod usque hodie laudatur, scripserunt (ut puta Plinius Maior in libris Naturalis historia intitulatis et Ovidius in libro octo Metamorphoseon: "fecunda melle Calymne".[2])

Nomen[recensere | fontem recensere]

Antiquum insulae nomen Calydna (Καλύδνα) a verbis καλός ("bonus", "pulcher") et ύδνα (i.e. ύδωρ; "aqua") deductum esse creditur insula bonae aquae valens. In Iliade de insulis Calydnae scriptum est:

Οἳ δ᾽ ἄρα Νίσυρόν τ᾽ εἶχον Κράπαθόν τε Κάσον τε
καὶ Κῶν Εὐρυπύλοιο πόλιν νήσους τε Καλύδνας,
τῶν αὖ Φείδιππός τε καὶ Ἄντιφος ἡγησάσθην
Θεσσαλοῦ υἷε δύω Ἡρακλεΐδαο ἄνακτος·
τοῖς δὲ τριήκοντα γλαφυραὶ νέες ἐστιχόωντο. [3]

Saeculo quarto a.C.n. insula Calymna sive Calymne vocatur, tempore byzantino nomen in Calymnos progreditur.

Loci natura[recensere | fontem recensere]

Calymnus area 110.58 km²[4] est magnitudine quarta insularum Dodecanesi. In Aegaeo mari orientali inter Coum (12 km a meridie) et Lerum (2.1 km a septentrione) sita est. Minima ad Asiam Minorem (ad paeninsulam Halicarnassensem, Turcice: Bodrum Yarımadası) distantia est paene 17 km.

Ad demum quaedam insulae minores pertinent, inter quas Pserimos (5 km ab oriente), Telendos (1 km ab occidente) et Calolimnos (plus quam 6 km ab boreo-oriente).

Longitudo maxima a boreo-occidente ad austro-orientem est paene 21 km, latitudo maxima a meridie 13 km, a septentrione circiter 1.2 km.

Calymnos est insula montuosa, pars planitierum minus quam 10% efficit. Loci natura magna ex parte glabra est duabus vallibus fertilibus locorum Bathy Pothiaeque exceptis, ubi oleae, citri sinenses et vinea crescunt.

Terrae motus circa Calymnum crebri fiunt.

Historia[recensere | fontem recensere]

Initio a Caribus inhabitata postea Coo subiecta erat, cuius fortunas per saecula secuta est. Medio Aevo ad Imperium Romanum Orientale pertinebat, saeculo decimo tertio classi Venetae praesidio erat, anno 1310 in possessionem equitum Rhodiorum profecta, anno 1522 ab Ottomanis occupata est.

Die 12 Maii anno 1912 a nautis Italianis occupata usque ad annum 1947 ab Italia recta est, tum demum cum civitate Graeciae coniuncta est.

Administratio et incolae[recensere | fontem recensere]

Calymnos est demus Graeciae. Usque ad annum 2010 pars nomi vel praefecturae Dodecanesi erat, in adminstratione anno 2010 reformanda (vide: Libellus Callicratis) regionali Calymni unitati tunc creatae attributa est.

Plus quam 90% incolarum Pothiae, Chorio et Panormo habitant, cum insula septentrionalis incolis paene vacet (status 2001):[5]

  • Pothia vel Pothea (Πόθια / Πόθαια) sive Calymnos (Κάλυμνος): 10149
  • Chorium (Χωρίο): 3311
  • Panormos (Πάνορμος): 1412

Varia[recensere | fontem recensere]

Notae[recensere | fontem recensere]

  1. Numerus incolarum, ut invenitur in Libello Callicratis (2010)
  2. Ovid, met. 8,222.
  3. Ilias 2,677ss.
  4. Ministerium classis onerariae, Aegaei maris ac rerum insularum Graeciae [1]
  5. Numerus incolarum ex Kalymnos

Nexus externi[recensere | fontem recensere]

Pinacotheca[recensere | fontem recensere]