Aulus Licinius Nerva Silianus (consul 65)
Aulus Licinius Nerva Silianus (quando natus mortuusve sit, nescimus) senator Romanus primo saeculo post Christum natum fuit. Avus eius Aulus Licinius Nerva Silianus amicus Augusti et anno 7 consul ordinarius creatus est. Pater forsitan Publius Silius Nerva, consul anni 28 fuit. Licinius tum adoptatus est a quodam Aulo Licinio. Anno 65 consul ordinarius fasces tenuit, primo cum Marco Iulio Vestino Attico, deinde, cum is a Nerone propter coniurationem Pisonis necatus esset, cum Publio Pasidieno Firmo[1].
Notae[recensere | fontem recensere]
- ↑ Der Neue Pauly, Stuttgardiae 1999, T. 7, c. 177
| Antecessores: Gaius Laecanius Bassus et Marcus Licinius Crassus Frugi |
Consul 65 cum Marco Iulio Vestino Attico |
Successores: Gaius Luccius Telesinus et Gaius Suetonius Paulinus |