Athum

E Vicipaedia
Wikidata Athum
Res apud Vicidata repertae:
Athum: insigne
Athum: insigne
Civitas: Belgica
Locus: 50°37′52″N 3°46′37″E
Numerus incolarum: 29 164
Zona horaria: UTC+1
Situs interretialis

Gestio

Praefectus: Bruno Lefebvre
Procuratio superior: Circumdarium administrativum Athense

Geographia

Superficies: 126.95 chiliometrum quadratum
Territoria finitima: Ellezelles, Brugelette, Cervia, Silly

Tabula aut despectus

Athum: situs
Athum: situs
Athum (Belgica )
Athum
Athum
Urbis collocatio in Belgica

Athum[1] (Francogallice Ath, Picardice Ât, Batave Aat) est urbs Belgica in provincia Hannoniae sita. Incolarum 28 543 habet. Sedes est iudicis pacis.

Apud Athum Denderae(fr) altera occidentalis vel magna altera orientalis vel parva (etiam Arbra, Asbra vel Arbor)[2] dictae confluunt.

Athum stationem ferriviariam habet ad lineas ferriviarias inter Gerardimontium(nl) et Montes et inter Turnacum et Bruxellas.

Die Iovis Athi forum septimanale est, verisimiliter ex anno 1166, certe ex anno 1368.[3]

Quotannis mense Augusto fit Ducasse d'Ath, processio gigantum.

Regiones[recensere | fontem recensere]

Athum in 19 regiones divisum est quae ante annum 1977 communia sui iuris erant:

Historia[recensere | fontem recensere]

Prima mentio Athi in litteris erat anno 1079.[4] Anno 1136, Balduinus IV, comes Hannoniae terram Athensem emit[5] et anno 1166 aedificationem castri turrisque dictae "Burbant" apud confluentem ambarum Denderarum incepit.[6]

Scholae[recensere | fontem recensere]

Athi sunt 20 scholae primariae (14 publicae et 6 Catholicae).

Scholae secundariae publicae sunt Athenaeum Regale Athense (Athénée Royal d'Ath), Institutum Technicum Communitatis Francicae Renatae Joffroy (Institut Technique de la Communauté française Renée Joffroy) et Institutum Provinciale Educationis Secundariae (Institut Provincial d'Enseignement Secondaire – acronymo IPES).

Scholae secundariae Catholicae sunt Collegium Sancti Iuliani (Collège Saint-Julien), Institutum Technicum Liberum (Institut Technique Libre), et pars Collegii Visitationis-La Berlière Lessiniensis (Collège Visitation-La Berlière) in situ "La Berlière" Hultaci.

Apud IPES etiam est pars Scholae Superioris Condorcet (Haute École Condorcet) quae schola educationis superioris Provinciae Hannoniae est.[7]

Cultus religiosi et cosmotheoreticus[recensere | fontem recensere]

Turris Ecclesiae Sancti Iuliani
Templum Protestans in Via Scriniariorum

Ecclesiae Catholicae Romanae[recensere | fontem recensere]

Numerosi sunt aedificii cultus Catholici Romani:[8]

  • in Atho proprio: ecclesiae Sancti Iuliani et Sancti Martini; sacellum Nostrae Dominae Lauretanae
  • Altrepiae: ecclesia Nostrae Dominae Lapurdi
  • Arbore: ecclesia Sancti Ioannis Evangelistae
  • Boviniae: ecclesia Sanctae Virginis
  • Gilligenii: ecclesia Sancti Ioannis Evangelistae
  • Gisbeccae: ecclesia Sancti Petri
  • Hospitici: ecclesia Sancti Petri
  • Hultaci: ecclesia Sancti Quirini
  • Isernae: ecclesia Sancti Petri
  • Lingaci: ecclesia Sancti Martini
  • Lineae: ecclesia Nostrae Dominae Visitationis
  • Mafflae: ecclesia Sanctae Waldetrudis
  • Melini Episcopali: ecclesia Sancti Petri
  • Mulbaci: ecclesia Sancti Sulpitii
  • Rebaci: ecclesia Sancti Amandi
  • Silvae Maioni: ecclesia Sancti Petri
  • Vadi Ericii: ecclesia Sancti Dionysii
  • Villari Nostrae Dominae: ecclesia Nostrae Dominae
  • Villari Sancti Amandi: ecclesia Sancti Amandi
  • Vurminicae: ecclesia Sancti Ursmari

Templa Protestantia[recensere | fontem recensere]

Athi duo templa Protestantia sunt, in Via Scriniariorum (rue des Écriniers)[9] et in Via Arcis (rue du Fort).[10]

Ecclesia Orthodoxa[recensere | fontem recensere]

A 1 Septembris 2019 ecclesia Orthodoxa Dacoromana Sanctorum Archangelorum Michaelis et Gabrielis et Sancti Nectarii ab Aegina[11] in pristino sacello Catholico Nostrae Dominae Fatimae, Via ad Montes (chaussée de Mons), sita est.

Atrium Regni Testium Iehovae[recensere | fontem recensere]

Testes Iehovae in Via Ioannis Jaurès (rue Jean-Jaurès) "Atrium Regni" (id est suum templum) habent.

Domus Laicitatis[recensere | fontem recensere]

Domus Laicitatis

Athi etiam est "Domus Laicitatis", prius ad initium Viae Portae (rue de la Poterne), nunc in Area Ioanni Zuallart (cour Jean Zuallart),[12] ubi communitas cosmotheoretica "laica" dicta orationes, caerimonias et alia eventa habet.

Meschita[recensere | fontem recensere]

Musulmani quoque Athi habitant sed meschitam in urbe sua nondum habent; meschita proxima Rotnaci sita est. Meschita Athensis nunc aedificatur in Via Moeniae (rue du Rempart).[13]

Pinacotheca[recensere | fontem recensere]

Notae[recensere | fontem recensere]

  1. A.-G. Chotin, Études étymologiques sur les noms des villes, bourgs, villages et hameaux de la province de Hainaut (Paris & Tournai, 1858) p. 49.
  2. Situs interretialis urbis Athi, À la découverte du village d'Arbre.
  3. Ioannes Dugnoille, La ville d'Ath. Bref regard sur son passé in Ath et sa région, Éd. Imprimerie provinciale 1973.
  4. Celestinus Josephus Bertrand, Histoire de la ville d'Ath, Montibus, Duquesne-Masquillier, 1906, p. 31.
  5. Fredericus Augustus Ferdinandus Thomas Reiffenbergensis, Histoire du Comté de Hainaut, Bruxellis, t. 2, p. 36.
  6. Ioannes Dugnoille, La ville d'Ath. Bref regard sur son passé in Ath et sa région, Éd. Imprimerie provinciale 1973, p. 24.
  7. Situs interretialis urbis - Educatio.
  8. Paroecia Pastoris Boni.
  9. Paroecia Protestans Athensis.
  10. Paroecia Protestans Evangelica Athensis.
  11. Paroecia Orthodoxa Dacoromana Sanctorum Archangelorum Michaelis et Gabrielis et Sancti Nectarii ab Aegina.
  12. L’Avenir: La Maison de la laïcité du Pays d'Ath a intégré ses nouveaux locaux.
  13. SudInfo: L’arrivée d’une mosquée à Ath est loin de faire l’unanimité: «Nous n’avions pourtant pas reçu la moindre remarque lors de l’annonce de ce projet!».