Antonius Panizzi

E Vicipaedia
Salire ad: navigationem, quaerere
Anthonius Panizzi a Carolo Pellegrini in Vanity Fair pictus.

Antonius Panizzi (Antonio Genesio Maria Panizzi, Anthony Panizzi, tandem Sir Anthony Panizzi; natus die 16 Septembris 1797; mortuus die 8 Aprilis 1879) fuit principalis Musei Britannici bibliothecarius ab anno 1856 usque ad 1866.

Antonius Panizzi natus est Brixelli regionis Regii Lepidi eo tempore ducatus Mutinensis subiectae. Iurisprudentiae studuit apud universitatem Parmensem et fortasse societati cuidam revolutionariae participavit. Anno 1822 enim a vigilibus ducatus Mutinensis consectatus quippe qui res novas adpetivisset, ad Luganum Helvetiae effugit libellumque de persecutionibus furtim divulgari iussit; sed et ibi quaesitus, a Mutinensibus in absentia morte damnatus, Angliam anno 1823 petivit. Adiuvante Hugone Foscolo, munus praeceptoris linguae Italianae suscepit Liverpolii. Mox suadente Henrico Brougham receptus est professor apud Collegium Universitarium Londiniense. Ibi multa studentibus utilia de lingua et litteris Italianis edidit, inter quae editiones Orlando innamorato Boiardi et Orlando furioso Ludovici Ariosti.

Mox in bibliotheca Musei Britannici operam dedit, ubi in opusculo suo Ninety-One Cataloguing Rules regulas catalogizationis librorum impressorum omnino refecit et ad gradum bibliothecarii principalis anno 1856 accessit. Bibliothecam optimo successu ordinavit itaque praecepit:

I want a poor student to have the same means of indulging his learned curiosity, of following his rational pursuits, of consulting the same authorities, of fathoming the most intricate inquiry as the richest man in the kingdom, as far as books go, and I contend that the Government is bound to give him the most liberal and unlimited assistance in this respect.[1]

Ob labores bibliothecarios eques a regina Victoria anno 1869 creatus est. Nihilominus cum Thomasso Carlyle historico aliquos annos contendit qui tandem, impedimentis a Panizzi oppositis iratus, cum amicis nonnullis Bibliothecam Londiniensem condidit.

Panizzi Iosepho Mazzini, Londinii anno 1844 exsul, adiuvit; Iosephum Garibaldi ad Angliam progredientem recepit; epistulas crebras Prospero Mérimée et Camillo Cavour intermisit; amicitiam vicecomitis Palmerston et Gulielmi Gladstone primorum ministrorum reclamavit.

Opera[recensere | fontem recensere]

  • 1823 : Dei processi e delle sentenze contra gli imputati di lesa maestà e di aderenza alle Sette proscritte negli Stati di Modena. "Madrid: per Roberto Torres" (opus re vera Lugano Helvetiae divulgatum)
  • 1828 : An elementary Italian grammar for the use of students in the London University. Londinii
  • 1828 : Extracts from Italian prose writers for the use of students in the London University. Londinii
  • 1830 : Stories from Italian writers with a literal interlinear translation by A. Panizzi. Londinii
  • 1830-1831 : Orlando innamorato, with an essay on the romantic poetry of the Italians, memoirs and notes by A. Panizzi. Londinii
  • 1831 : Bibliographical notices of some early editions of the Orlando innamorato and furioso. Londinii
  • 1834 : Orlando furioso di Ariosto with memoirs and notes by Antonio Panizzi. 4 voll. Londinii
  • 1839 : Catalogue of scientific books in the Library of the Royal Society. Londinii
  • 1841 : Ninety-One Cataloguing Rules
  • 1845 : Sonetti e canzoni del poeta clarissimo Matteo Maria Boiardo, conte di Scandiano. Mediolani
  • 1858 : Le prime quattro edizioni della Divina Comedia letteralmente ristampate, introduction by A. Panizzi. Londinii
  • 1858 : Chi era Francesco da Bologna? Londinii
  • 1871 : Passages in my official life. [Londinii]
  • 1880 : Lettere ad Antonio Panizzi di uomini illustri e di amici italiani (1823-1870) ed. Luigi Fagan. Florentiae
  • 1998 : Catena di seta: lettere a Giuseppe Levi Minzi (1822-1873) ed. William Spaggiari. Romae
  • 1998 : Tre lezioni sul mondo cavalleresco. Brixelli

Notae[recensere | fontem recensere]

  1. Miller (1967) p. 120

Bibliographia[recensere | fontem recensere]

  • Edward Edwards, Lives of the founders of the British Museum: with notices of its chief augmentors and other benefactors, 1570-1870 Paginae selectae
  • C. Dionisotti, "Panizzi esule", "Panizzi professore" in Ricordi della Scuola Italiana (Romae: Edizioni di Storia e Letteratura) pp. 179-226
  • Louis Fagan, The Life of Sir Anthony Panizzi, K.C.B. 1880
  • P. R. Harris, "Panizzi, Sir Anthony", in Oxford Dictionary of National Biography edd. H. C. G. Matthew, Brian Harrison (Oxonii: Oxford University Press, 2004) Situs venalis
  • Prosper Mérimée, Lettres à M. Panizzi (1850-1870) ed. L. Fagan. Lutetiae, 1881
  • Edward Miller, Prince Of Librarians: The Life & Times of Antonio Panizzi of the British Museum. 1967
  • Philip John Weimerskirch, "Antonio Panizzi and the British Museum Library" in AB Bookman's Yearbook (1981)