Annus luce mensus
Annus luce mensus[1] sive spatium lucis annuae (abbreviatio internationalis ly) est illud spatium quod lux per unum annum in spatio vacuo pervolare potest. Unus annus luce mensus aequat fere 9 460 500 000 000 km. Longitudo exacta dependet a definitione anni (sive annus tropicalis sive annus Iulianus sive annus sideralis significatur). Unio Astronomica Internationalis annum Iulianum praefert. Itaque 1 ly aequat 9 460 730 472 580 800 m. Unum spatium lucis annuae aequat 63 240 ua (unitatum astronomicarum) vel 0,3066 pc (parsec).
Exstant etiam unitates
- spatium lucis horalis (= 1 079 252 848 800 m),
- spatium lucis minutalis ( = 17 987 547 480 m),
- spatium lucis secundalis ( = 299 792 458 m).
Astrologi unitatibus spatii lucis ad distantias astronomicas metiendum utuntur. Terra, exempli causa, a Sole circiter octo spatia lucis minutalis abest. Proxima stella praeter Solem, id est Proxima Centauri, plus quattuor annos lucis abest.
[recensere] Notae
- ↑ Lexicon Morgan; José Juan Del Col, Diccionario auxiliar: español-latino para el uso moderno del Latín.; Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum (Helsinki: SKS 2005) s.v. Valovuosi.
