Anna Elissa Radke

E Vicipaedia

Anna Elissa Radke Hamburgi nata est anno 1940, qua in urbe primum et postea Marpurgi se dedit philosophiae studiis et studiis litterarum Latinarum Graecarumque, nec non theologiae Christianae secundum Lutheri opinionem. Postea, magistra artium facta, scripsit carmina tam Latina quam Theotisca. Hi libri carminum Latinorum iam eduntur:

Musa exsul (1982),
Mein Marburger Horaz (1990),
Katulla (1992),
Harmonica vitrea (1992),
In reliquiis Troiae (1995),
Ars paedagocica (1998).

Procul dubio inter principes eximiosque poetas hodiernos est numeranda.

Anna Elissa Radke est mater Gyburgae Radke, "Pretio Leibnitziano" philologiae anno 2006 honoratae.

In Annae Elissae Radke honorem, Alanus Divutius pepigit hoc carmen:

AD ANNAM ELISSAM RADKE

Miles indefessa Novem Sororum
Montibus quae sunt et erunt canentes
Deliis, reddant tibi mille grates,
carmina propter.

Nam quis ausit, liberior poeta,
te altius Parnassi ad acumen ire,
ebrio non lassus aquas equinas
ebibere haustu.

Aut quis ascendet glaciale culmen,
candido passu, propius, viator
frigidum scandens Helicona solus,
alite verbo ?