Andreas Thevetus
.jpg)
Andreas Thevetus,[1] vulgo André Thevet (Engolismae natus anno 1516; Lutetiae die 23 Novembris 1590 mortuus) fuit scriptor geographicus. Cliens fuit cardinalis Ioannis de Lotharingia et militis Francisci de Rupe Fucaldi(fr) cui opus Cosmographie de Levant, deinde cardinalis Ludovici de Lotharingia cui Les Singularitez de la France antarctique dicavit. Anno 1560 titulum cosmographi regii meruit iuxta regem Henricum III, cui Cosmographie universelle dicatum est.
Alumnus studii Franciscanorum Engolismensium, sed religionem aegre adeptus, Levantem anno 1549 petivit. Cretam insulasque Archipelagi visitavit; Constantinopoli moravit (fortasse apud Aramontium Franciae legatum) ubi Petrum Gyllium philologo cognovit; Syriam, Palaestinam, Aegyptum visit; Gulielmo Postello theosopho incurrit. In Franciam reditus Cosmographie de Levant anno 1554 edidit, quod opus maiori parte non ipse sed Franciscus de Belleforest scripsisse confitetur.
Anno insequenti ad Brasiliam profectus est in expeditione Nicolai Villagagnonis(fr) qui coloniam Francicam eo conducebat (nomine "Franciam Antarcticam"). Thevetus morbo affectus duos fere menses ibi manebat. Ex hoc itinere satis brevi atque ex aliorum observationibus anno 1558 Les Singularitez de la France antarctique, autrement nommée Amérique divulgavit. Non Brasiliam tantum, sed insulas Canarias Capitisque Viridis et Caribicas (quas brevissime visitaverat), Peruviam, Mexicum, Floridam, Canadam (quas nunquam vidit) descripsit.
Lutetiae ab anno 1559 habitans, ordine Franciscano absolutus, museum constituit in quo codicem Mendoza inter alias res varias tenuit. Annis insequentibus opera encyclopaedica duo composuit, videlicet La Cosmographie universelle seu descriptionem orbis terrarum (1575) et Les vrais pourtraits et vies des hommes illustres seu biographiam universalem effigiebus 224 ornatam (1584).
Genus Thevetia ad honorem Andreae Theveti nominatum est, ad quod pertinet species Thevetia ahouai quam ille sub nomine vulgari ahouaï primus descripsit.[2]
Opera[recensere | fontem recensere]
- 1554 : Cosmographie de Levant. Lugduni: Jean de Tournes Textus apud gallica
- 1558 : Les Singularitez de la France antarctique, autrement nommée Amérique, et de plusieurs terres et isles découvertes de nostre tems Textus apud gallica apud Internet Archive
- 1575 : La Cosmographie universelle. 2 voll. Textus apud gallica Textus apud universitatem Virginiae
- 1584 : Les vrais pourtraits et vies des hommes illustres grecz, latins et payens, recueilliz de leurs tableaux, livres, médalles antiques et modernes. 3 voll. Vol. 1 2 3 Collectio apud gallica
- 2006 : Histoire d'André Thevet Angoumoisin, cosmographe du roy, de deux voyages par luy faits aux Indes australes, et occidentales (vide bibliographiam)
- Opus ineditum anno 1586 scriptum : Le grand Insulaire et pilotage d'André THEVET, Angoumoisin, cosmographe du Roy, dans lequel sont contenus plusieurs plants d'isles habitées et deshabitées et description d'icelles Liber manuscriptus apud gallica
Notae[recensere | fontem recensere]
- ↑ Cas. gen. "Andreae Theveti": A. Thevet, Les vrais pourtraits (1584) inter paginas praeliminares
- ↑ A. Thevet, Les Singularitez de la France antarctique, autrement nommée Amérique (Lutetiae, 1558) ff. 66r-67r
Bibliographia[recensere | fontem recensere]
- Editiones operum
- Jean-Claude Laborie, Frank Lestringant, edd., Histoire d'André Thevet Angoumoisin, cosmographe du roy, de deux voyages par luy faits aux Indes australes, et occidentales. Genavae: Droz, 2006 (Paginae selectae apud Google Books)
- Frank Lestringant, ed., Cosmographie de Levant, fac-similé de l'édition de Tournes, 1556, avec introduction, notes et variantes. Genavae: Droz, 1984
- Frank Lestringant, ed., Jean Chesneau, André Thevet: Voyages en Egypte 1549-1552. Cairi: Institut Français d'Archéologie Orientale, 1984
- Eruditio
- Jean Michel Cantacuzène, "Frère André Thévet (1516-1590): grand voyageur, cosmographe royal et auteur échevelé" in Biblos [Iaşi] no. 15 (2003) pp. 31-38
- Manoel da Silveira Cardozo, "Some Remarks concerning André Thevet" in The Americas vol. 1 (1944) pp. 15-36
- P. E. H. Hair, "Thevet and the English" in Cecil H. Clough, P. E. H. Hair, edd., The European Outthrust and Encounter: The First Phase c.1400-c.1700: essays in tribute to David Beers Quinn (Liverpolii: Liverpool University Press, 1994) pp. 225-270 (paginae selectae apud Google Books)
- F. W. Hasluck, "Thevet's Grand Insulaire and His Travels in the Levant" in Annual of the British School at Athens vol. 20 (1913/1914) pp. 59-69
- Frank Lestringant, André Thevet, cosmographe des derniers Valois. Genavae: Droz, 1991 (Paginae selectae apud Google Books)
- Frank Lestringant, L'Atelier du cosmographe. Lutetiae: Albin Michel. 1991 (Paginae selectae editionis Anglicae apud Google Books)
- Frank Lestringant, Sous la leçon des vents: le monde d'André Thevet, cosmographe de la Renaissance. Lutetiae: Presses Paris Sorbonne, 2003. ISBN 2-84050-292-5 (Paginae selectae apud Google Books)
- Frédéric Tinguely, L'écriture du Levant à la Renaissance: enquête sur les voyageurs français dans l'empire de Soliman le Magnifique. Genavae: Droz, 2000 (Paginae selectae apud Google Books)
- Marcel Trudel, "Thevet, André" in Dictionary of Canadian Biography vol. 1 (1966/1979)