Altaha inferior (abbatia)

Imago monasterii e "Churbaierischer Atlas" (= Electoratus Bavariae Atlas) Antonii Gulielmi Ertl 1687

Altaha inferior sive Abbatia sanctorum Mauritii et Nicolai (Theodisce: Niederalteich) in homonymo communi Altaha inferiori ad Danuvium sita secundum traditionem anno 741 (aut 731) ab Odilone duce Bavariae condita est. Primi monachi e monasterio Augense maiore venerunt. Ecclesia abbatialis Sancto Mauritio, ecclesia magna decaniae byzantinae (vide infra) Sancto Nicolao dedicata est. Abbatia ad Congregationem Bavaricam pertinet.

Historia

Aspectus ecclesiae abbatialis

Monasterium magnas partes Bavariae inferioris et Bohemiae meridio-occidentalis coluit et in Bohemica silva 120 vicos aedificavit.

Godehardus Hildesheimensis (996–1022), qui una cum Henricus II monasteria Sacri Romani Imperii reformavit, abbas notissimus est Altensis monasterii. Postea episcopus Hildesheimensis factus ibidem sepultus est.

Altaha inferior usque ad annum 1803 inter abbatias gravissimas Germaniae merdionalis numerabatur. Tres archiepiscopi, octo espiscopi e monasterio orti sunt, 51 monachi in alia monasteria abbates vocati sunt.

Recessu Imperii (Reichsdeputationshauptschluss) diei 21. Martii 1803 monasterium suppressum est. Post ecclesiam anno 1813 fulmine ictam et incensam aedificia barociana monasterii magna ex parte demolita sunt.

Anno 1918 vita monastica a tribus monachis ex Abbatia S. Michaelis de Metten redintegrata et 1925 parva schola et seminarium condita sunt. Cum anno 1927 communitas Benedictina, quae sub nomine Kinderfreundbenediktiner (i.e. Benedictini liberis amici) antea in Volders (in Tiroli) opera sua liberos pauperes adiuvabat, se communitati Altensi coniunxit, numerus monachorum ilico 80 transcendit.

Ex annis 1930 Emmanuel Heufelder, tum prior, ut voluntatem papae Piuo XI. iam 1924 expressam sequeretur, oecumenismo cum ecclesiis orthodoxis favere studebat. Nonnulli monachi intra communitatem (decania byzantina, quae dicitur) divinum officium et liturgiam in ritu byzantino celebrare coeperunt, pro quibus anno 1955 prima capella, deinde 1986 magna parvaque ecclesia constructae sunt.

Status hodiernus

Hoc tempore 30 monachi abbate Mariano Bieber (natus 1958) praeter vitam monasticam oecumenismo, scholae (numerus discipulorum: 750) et curae animarum in sex parociis operam dant.

Ad haec officia implenda annis 1962-1965 Institutum Oecumenicum, 1971-1973 Schola Sancti Godehardi (St.-Godehard-Gymnasium) et 1999-2001 Domus S. Pirmini (Tagungs- und Gästehaus S. Pirmin) condita sive constructa sunt.

Nexus externus

• Situs abbatiae (theodisce)
• St.-Gotthard-Gymnasium (theodisce)