Alpha Centauri

E Vicipaedia
Salire ad: navigationem, quaerere
Alpha Centauri locus in Centauro sidere
Comparatio inter constellationis Alpha Centauri stellas et Solem diametris coloribusque

Alpha Centauri, vel α Centauri, est splendidissima sideris Centauri stella, in australi caelo visa, quarta a stellá maximá in nocturno caelo, stella quoque proxima (praeter Solem) Terrae, 4.3 spatia lucis annuae (sla) remota. Proprium stellae nomen est Rigil Kentaurus, saepius Rigil Kent, quod 'centauri pedem' in lingua Arabica significat, sed universe secundum Ioannem Bayer Alpha Centauri appellatur; aliud nomen, sed rarum, est Toliman.

Alpha Centauri est triplex stellarum systema, cui sunt duae maiores stellae, Alpha Centauri A et Alpha Centauri B (quae duplicem stellam coniunctim faciunt), et pumilio rubra magis tenuis, Proxima Centauri appellata.

Alpha Centauri A[recensere | fontem recensere]

Maior stella binaria, Alpha Centauri A, est Solis similis, sed paulo maior splendidiorque, et sicut Sol, e classi spectrali G2 V.

Alpha Centauri B[recensere | fontem recensere]

Altera, Alpha Centauri B, est minor et obscurior, e classi spectrali K1 V. Hae alia circum aliam elliptico orbe (e = 0.52) moventur; se usque ad 11.2 unitates astronomicas (ua) appropinquant et usque ad 35.6 ua distant. Spatium unius revolutionis est prope octaginta annos.

Proxima Centauri[recensere | fontem recensere]

Proxima est minima, classi spectrali M5 V; fere 10 000 ua ab A et B distat.


Coordinata caelestia: Sky map 14h 39m 36.4951s, −60° 50′ 02.308″