Gamma Andromedae

E Vicipaedia
(Redirectum de Almach)
Collocatio Gammae Andromedae

Gamma Andromedae (γ And) seu Alamak[1][2], magnitudine apparente 2.26, a systemate stellari nostro circiter 350 annis luce mensis distans, est stella constellationis Andromedae. Systema binarium constituit cuius membrum minus visibile "2 ad γ And" e tribus stellis parvis consistit.

Character "γ" Andromedae anno 1603 in Uranometria ab Ioanne Bayero adsignatus est. Stella etenim nomina duo Arabica habet, رجل المسلسلة Rijl al-Musalsalah scilicet "Pes Mulieris" i.e. "Andromedae", عناق الأرض ʾAnāq al-ʿArḍ scilicet "caracal". Ex hoc nomine Arabico designatio communis " Alamak" et "Almach" derivatur. Hanc cum aliis stellis proximis asterismus Sinensis 天大将军 Tiān dà jiāngjūn "dux magnus caelestis" constituitur, unde ipsa γ Andromedae Sinice 天大將軍一 Tiān dà jiāngjūn yī "prima magni ducis caelestis" nuncupatur.

γ Andromedae systema binarium constituisse monstravit anno 1778 Iohannes Tobias Mayer, qui telescopii ope primariam splendidiorem colore flavam "1 ad γ And" distinxit secundariamque cyaneam, inter se 9.6 secundis apparentibus distantes. Gulielmus Struve anno 1842 hanc secundariam in duas distinguere potuit, periodo orbitali 64 annorum sibi circumeuntes. Quarum una "2 ad γ And C" stella simplex esse censetur. Altera autem "2 ad γ And B" systema binarium spectroscopicum constituisse docuerunt L. A. Maestre et J. A. Wright anno 1960, cuius membra "2 ad γ And BA" et "2 ad γ And BB" appellare licet.

Systema[recensere | fontem recensere]

  • 1 ad γ Andromedae seu γ Andromedae A - Almach (UAI)[3]
  • 2 ad γ Andromedae BA
  • 2 ad γ Andromedae BB
  • 2 ad γ Andromedae C

Notae[recensere | fontem recensere]

  1. Ioannis Bayeri, Uranometria, Augustae Vindelicorum, Christophorus Mangus, 1603.
  2. Joannis Elerti Bode, Uranographia, Berolini, Frideric. de Hahn, 1801.
  3. Catalogus nomina stellarum

Bibliographia[recensere | fontem recensere]

Nexus externi[recensere | fontem recensere]

Data astronomica: