Alcuinus

Alchuine nomen erat sophiam mihi semper amanti, pro quo funde preces mente, legens titulum. Hic requiescit beatae memoriae domnus Alchuinus abba, qui obiit in pace XIV. Kal. Iunias. Quando legeritis, o vos omnes, orate pro eo et dicite : Requiem aeternam donet ei dominus. Amen

– Alchuini epitaphium

Rabanus Maurus (ad sinistram), comitatus Alcuino (in medio), porrigit opera eius Otgari, archiepiscopi Moguntiaci.

Flaccus Albinus Alcuinus (vulgo Alhwin vel Alchoin) in Northumbria natus circa annum 735; in urbe Turonibus mortuus die 19 Maii 804) fuit philosophus, doctor et theologus Anglicus.

Vita

Alcuinus ortus est e nobili Eboraci gente. Illic in schola clara ecclesiae eruditus celeriter magister factus est. Post multum dubietatis demum ad curiam Caroli Magni exoratus est. Hic Caroli scholam rexit induxitque consilium manuscriptorum transcribendi, quamobrem aetas Renascentiae Carolinae floruit.

De eo scripsit Eginhardus:

Artes liberales studiosissime coluit, earumque doctores plurimum veneratus magnis adficiebat honoribus. In discenda grammatica Petrum Pisanum diaconem senem audivit, in ceteris disciplinis Albinum cognomento Alcoinum, item diaconem, de Britannia Saxonici generis hominem, virum undecumque doctissimum, praeceptorem habuit, apud quem et rhetoricae et dialecticae, praecipue tamen astronomiae ediscendae plurimum et temporis et laboris inpertivit. Discebat artem conputandi et intentione sagaci siderum cursum curiosissime rimabatur.

Eginhardus, Caroli Magni vita, 25.

Dicta

• "potius animam curare memento, quam carnem, quoniam haec manet, illa perit."

Nexus externi

Vide Alcuinus apud Vicifontem.

• Opera ab hoc homine vel de eo scripta apud Bibliothecam Nationalem Germanicam (Theodisce)

• Friedrich Wilhelm Bautz, "ALKUIN (Alchvine, latinisiert Albinus, Beiname Flaccus)" in Biographisch-Bibliographisches Kirchenlexikon  vol. 1 (Hammonae, 1975; reimpr. 1990. ISBN 3-88309-013-1) , columnae 118–119 (Theodisce) [Situs venalis]
• De Alcuino in Catholica Encyclopaedia (Anglice)
• Opera selecta apud The Latin Library
• Opera selecta apud Europeana
• Patrologiae Latinae opera omnia cum indice