Adrabigania
|
|||||
| Sententia civitatis | |||||
.svg) |
|||||
|
|
|||||
| Lingua | Adrabigana vel Atropatenica | ||||
| Gentilicium | Adrabiganus, Azeriensis | ||||
| Caput | Baku | ||||
| Primus minister | Arthurus Rəsizadə | ||||
| Area - Totalis - % aqua |
locus 113 86 600 km²; 1.6% |
||||
| Numerus incolarum - Totales (2011) - Spissitudo incolarum |
locus 91 9 164 600[1] 106/km² |
||||
| Nummus | Moneta (Adrabiganice: manat) | ||||
| Zona horaria | UTC UTC + 4 , hora aestima UTC + 5 | ||||
| Hymnus nationalis | Azərbaycan Respublikasının Dövlət Himni | ||||
| Interretis dominium | .az | ||||
| Praefixum telephonicum | 997 | ||||
Adrabigania,[2] sive Azərbaycan, publice Azərbaycan Respublikası ('Respublica Adrabigania'), est civitas in Caucaso australi, cuius sedes antiqua nomine Graeco-Latino classico Atropatenes nota est. Iacet ad occidentalia Maris Caspii litora. Septemtrione Russiae finitima est, septemtrione autem boreoccidenteque Georgiae, austroccidente Armeniae, et meridie Iraniae. Adrabiganica exclavatura Naxuanae (Adrabiganice: Naxçıvan) Armeniae septemtrione orienteque, Iraniae nmridie austroccidenteque, et Turciae occidente finitima est. Referuntur ad terram civitatis quoque variarum in Mari Caspio insularum.
Adrabigania, cuius incolae maxima ex parte suam originem ex Adrabiganica gente ducunt et fidem Islamicam Siiticam confitentur, saecularis unitariaque est. Civitas co-conditrix Consocationis GUAM et Consociationis Armis Chemicis Prohibendis et Independentium Civitatum Foederationis socia e mense Septembre anni 1993 fuit. Internuntius Specialis Commissionis Europaeae ibi habitat nec non Consociationis Nationum, Consociationis pro Securitate et Cooperatione in Europa, Consilii Europaei et Consociationis Nationum Consociationis Pacis programmatis socia est.
Index |
[recensere] Etymologia nominum
Nomen Azərbaycan ex Atropate, satrape sub Imperio Persarum Achaemenidarum deductum est, qui serius Mediae satrapes sub Alexandro Magno fuit. Originalis nominis etymologia suas radices in antiquo Zoroastrismo habere putatur, scilicet in Avestico Frawardin Yasht ('Hymno Angelis Custodibus'), fiet mentio âterepâtahe ashaonô fravashîm ýazamaide ad litteram e lingua Persica antiqua reddita ut 'sancti Atropatae Fravasium colimus'. Atropates hodiernae Iranianae Adrabiganiae regionem regit. Atropates nomen Graeca translitteratio Antiquae Iranianae, probabiliter Medae, compositi nominis (Sancto) Igne Protectus significantis est. Graecum nomen a Diodoro Siculo et Strabone memoratur, et ut ādurbādagān in Pahlavico geographico textu Shahrestānihā i Erānshahr, e quo nomen "Adrabigania" deducta potest continuatur.
[recensere] Historia
Prima humanorum oppidorum indicia in Adrabiganico territorio a tardo Aevo Petreo coeperunt et ad culturam Gurusaiensem (Adrabiganice: Quruçay) cavernae Azychicae referuntur. Palaeolithici Superioris et Aevi Aeris tardi culturae in cavernis Tagilaris, Damzhilii, Zaris, Sedimenti Yeriensis (Adrabiganice: Tağılar, Damcılı, Zar et Yataq-yeri respective) et in necropolibus Leylatepense et Saraytepense testantur. Regio ab Achaemenidis qui Zoroastrismum propagaverunt circa 550 a.C.n. capta est, dum postea Alexandri Magni Imperii et eius successoris Seleucidarum Imperii pars facta est. Albani Caucasici, originales areae autochthones, regnum sui iuris circa saeculum quartum a.C.n. instituerunt cuius partes circa 95–67 a.C.n. a Tigrane Magno subiunctae sunt.
Anno 252 p.C.n., Sassanidae eam civitatem vassalam fecerunt dum rex Urnayr officialiter Christianismum civitatis religionem saeculo quarto p.C.n. adoptavit. Quamquam numerosae a Sassanidis et Byzantinis occupationes, Albania Caucasia ut entitas in regione usque ad saeculum nonum mansit. Modernae Adrabiganiae territorium adumbratim antiqui regni istic respondet. Islamicus Caliphatus Ommiadicus ambos, Sassanidas et Byzantinos e regione expulsit et Albaniam Caucasiam civitatem vassalam fecit, Christiano renisu, a principe Zhavansiro (Adrabiganice: Cavanşir) ducto, suppresso anno 667. Potentiae vacuum a Caliphatu Abbasidico relictum a numerosis dynastiis ut Sallaridis, Sadzidis, Saddadidis, Ravadidis et Buyidis impletum est. Ineunte saeculo undecimo, territorium ab undis Turcarum Oguzarum tribuum ex Media Asia gradatim captum est. Harum Turcicarum dynastiarum prima Gaznavidae fuit, qui aream hodie notam ut Adrabiganiam circa 1300 dominavere.
Localiter, subsequentis Imperii Selgiukidarum possessiones ab atabegis sive eldiguzidis (Adrabiganice: Eldənizlər) rectae sunt, qui, quamquam technice Selgiukidarum sultanorum vassali, aliquando de facto illorum ipsorum rectores erant. Regentibus Turcis Selgiukidis, locales poetae ut Nizami et Chaganius Shirvani (Adrabiganice: Nizami Gəncəvi et Xaqani Şirvani respective) florescentes litteras Persicas in hodiernae Adrabiganiae territorio civerunt. Proxima rectoria Dzalayiridarum civitas vitam brevis fuit et sub Tamerlanis occupationibus cecidit. Localis Sirvansarum dynastia civitas vassala Tamerlanici Imperii facta est et id ad bellum contra Hordae Aureae rectorem Tochtamysum (Mogolice: Тохтамыш) iuvabat. Tamerlane mortuo, duae civitates liberae adversariaeque se emerserunt: Melanomelia et Leucomelia (Adrabiganice: Qaraqoyunlu et Ağqoyunlu respective). Sirvansae redivere, magnum autonomiae gradum ut locales rectores et vassali ex anno 861 ad 1539 servantes. Per Safavidarum insectationem, ultima dynastia Siiticum Islamismum antea Sunniticis autochthonibus imposuit dum contra Sunniticum Imperium Ottomanicum proeliabantur.
Post Safavidas, area ab Iranicis Afsaridarum et Zandicis dynastiis et breviter a Quadzaris (Persice: سلسله زندیه, سلسله افشار et سلسله قاجاریه respective) recta est. Nihilominus, dum nominaliter sub Persica dominatione de facto liberi chanatus in area emerserunt, imprimis post domum Zandicam conlapsam et in Quadzarica aera ineunte. In constantibus bellis involuti, hi chanatus postremo ad Imperio Russico anno 1813 incorporati sunt, post duo Russico-Persica Bella. Secundum Foedus Turcmensayense (Adrabiganice: ترکمنچای مقاولهسی), Imperium Persicum Russicam suverenitatem super Chanatum Erevani, Chanatum Naxuanae et Chanatus Talysi (Russice: Талышское ханство) residuum agnovit.
Post Imperii Russici conlapsum per Bellum Orbis Terrarum I, Adrabigania iuxta cum Armenia et Georgia vitam brevis Rei Publicae Foederativae Democraticae Transcaucasicae pars facta est. Re publica dissoluta Maio anni 1918, Adrabigania se sui iuris ut Res Publica Democratica Adrabiganiae enuntiavit. Res Publica Democratica Adrabiganiae prima democratica res publica parlamentaria in Musulmano mundo fuit, sed solum viginti tres menses duravit donec Bolscevisticus Decimus Exercitus Ruber eam Aprile anni 1920 ingressus est, Rem Publicam Sovieticam Socialisticam Adrabiganiae die 28 Aprilis anni 1920 condens. Anno 1922, Adrabigania Transcaucasicae Socialisticae Foederativae Sovieticae Rei Publicae pars facta est, quae constituens nove conditae Unionis Sovieticae socia facta est. Anno 1936, Transcaucasica Socialistica Foederativa Sovietica Res Publica dissoluta est et Res Publica Sovietica Socialistica Adrabiganiae constituentium Unionis Sovieticae sociarum civitatum una facta est. Per Bellum Orbis Terrarum II, Adrabigania Unioni Sovieticae petrolei multum in Acie Orientali suppeditavit dum 600 000 Adrabigani contra Germaniam Nazisticam (Theodisce: Operation Edelweiß) pugnavere. Operatio Leontopodii Alpini a Theodisca Vi Defensionis (Theodisce: Wehrmacht) gesta Bakui conlineavit propter eius pondus ut energatica (petrolei) dynamon Unionis Rerum Publicarum Sovieticarum Socialisticarum.
Secundum Glasnosticam politiam, a Michaele Gorbachev initiatam, civiles seditiones et ethnici conflictus in variis Unionis Sovieticae regionibus orti sunt, inclusa Carabachia Superiori (Adrabiganice: Dağlıq Qarabağ), Rei Publicae Sovieticae Socialisticae Adrabiganiae regione. In Adrabigania tumultus, Moscuensi indifferentiae iam calefacti conflictus respondentes, libertatis secessionisque appellationes civerunt, quae in Ianuarii Nigri (Adrabiganice: Qara Yanvar) eventibus subsequenter culminavere. Interea, Ayazus Mütallibov Factionis Communisticae Adrabiganiae Primus Secretarius nominatus est. Postea, anno 1990, Rei Publicae Sovieticae Socialisticae Adrabiganiae Consilium Supremum verba "Publica Sovietica" e titulo sustulit; Declarationem Suverenitatis Rei Publicae Adrabiganicae adoptavit et modificatum Rei Publicae Democraticae Adrabiganiae vexillum ut vexillum officiale redintegravit. Die 8 Septembris anni 1991, Ayazus Mütallibov in comitiis per totam rempublicam praeses electus est in quibus unus candidatus praesidentiam petens fuit.
Die 18 Octobris 1991, Consilium Supremum Adrabiganicum Declarationem Libertatis sanxit, quae per totam rempublicam renferendo? Decembre anni 1991 adfirmata est, Unione Sovietica rite dissoluta. Primi libertatis anni Bello Carabachiae Superioris cum vicina Armenia obumbrati sunt. Bello anno 1994 composito, Adrabigania 16% sui territorii, etiam Carabachiae Superioris ipsius, dominationem amisit. Quattuor Concilii Salutis Consociationis Nationum resolutiones (822, 853, 874, et 884) "ex occupatis Rei Publicae Adrabiganicae areis occupantium virum recessui" advocaverunt. Anno 1993, democratice electus praeses Abylfazus Elçibay a militari seditione a chiliarcho Surato Huseynov ducta amotus est quod ut antiquus Rei Publicae Sovieticae Socialisticae Adrabiganicae dux Haydar Aliyev potentiam consequeretur fecit. Anno 1994, Suratus Huseynov, tunc primus minister, aliam subitaneam conversionem rerum contra Haydarem Aliyev temptavit sed Suratus Huseynov de proditione accusatus in custodiam datus est. Anno 1995, alius conversionis subitaneae a vigilum militum imperatore Rousano Dazvadov conatus contra Haydarem Aliyev vitatus est, quod Rousani Dzavadov caedem et Adrabiganicos vigiles milites dissolutionem intulit.
Quamquam per suum praesidatum, Haydar Aliyev in deminuenda civitatis vacuitate laborali, in frenandis scelestis circulis, in statuendis fundamentalibus liberae civitatis institutis et in afferendis pace, stabilitate et ponderis externa conlocatione pecuniaria successit, civitas divulgata gubernantis grapheocratiae corruptione polluta est. Octobre anni 1998, Haydar Aliyev secundo mandato denuo electus est. Contempta multo ameliorata oeconomia, praesertim cum Camporum Petroliferorum Azeri-Chirag-Guneshli et Sachi Denizi usurpatione, Aliyevianus praesidatus impopularis propter comitialem fraudem, late diseminatam corruptionem et sui autocratici regiminis obiectionem factus est. Eadem acerba reprobatio antiqui Primi Ministri Ilhami Aliyev comitia secuta est qui secundus Novae Factionis Adrabiganicae dux fuit, suo patre Haydare Aliyev mortuo.
[recensere] Geographia
Tota Adrabiganica terrestrium limitum longitudo 2 648 chiliometrorum quorum Armenia 1007, Irania 756, Georgia 480, Russia 390 et Turcia 15 constituit. Litora se per 800 chiliometra tendunt et maximae longitudinis area in Adrabiganica Maris Caspii sectione 456 chiliometrorum est. Adrabiganicum territorium 400 chiliometra e Septemtrione in Meridiem et 500 chiliometra ex Occidente in Orientem patet. Tria iuga montium Maior Minorque Caucasus et Talysum (Adrabiganice: Böyük Qafqaz, Kiçik Qafqaz et Talış respective) sunt. Maximum Adrabiganicum cacumen mons Bazarduzu (4 466 metra) (Adrabiganice; Bazardügü), dum infimus locus in Mare Caspio (-28 metra) est. Fere dimidium omnium Terretrium vulcanorum luteorum in Adrabigania densatur.
Principales aquae fontes aquae superficiales sunt. Nihilominus, solum 24 e 8 350 fluminibus quam 100 metra longiora sunt. Omnia flumina in Mare Caspium Oriente civitatis influunt. Maximus lacus Sarisu (Adrabiganice; Sarısu) (67 chiliometra quadrata) et longissimum, et quoque transfinitimum, flumen Cyrus (Adrabiganice Kür). Adrabiganiae quattuor principales insulae in Mare Caspio quarum cuncta area circa triginta chiliometra quadrata est.
[recensere] Clima
Climatis formatio in Adrabigania praesertim Scandinavici anticyclonis gelidis Arcticis et Siberiani Mesasiatici anticyclonum temperatis aeriis massis afficitur. Respectu topiorum diversitati, aeriae massae dissimiles vias ad ingrediendum in civitatem habent. Caucasus Maior civitatem e directo gelidarum aeriarum massarum e Septemtrione venientium pondere protegit. Quod clima subtropicale in plerisque civitatis radicibus montium et planitiebus format. Interea planities et radices magno radiationis solaris indice notantur.
Undecim exsistentium zonarum climaticarum novem in Adrabigania adsunt. Tam temperatura minima absoluta (-33 °C (-27.4 °F)) quam temperatura maxima absoluta (+46 °C (114.8 °F)) Dzulfa et Ordubado (Adrabiganice: Culfa et Ordubad respective) observatae sunt. Maxima annua praecipitatio Lancarani (Adrabiganice; Lənkəran) (e 1600 ad 1800 mm) et minima in Abserone (Adrabiganice; Abşeron) (e 200 ad 350 mm) cadit.
[recensere] Natura et oecologia
Ex aspectu quaesiti aquae, Adrabigania infra mundanam mediam cum circa 100 000 m³ per annum aquae per km² est. Omnes magni aquae lacus structiles in Cyro (Adrabiganice: Kür) construuntur.
Principales vegetalis varietatis areae in Adrabigania terrae superiores Naxuanae (Adrabiganice; Naxçıvan) (60% specierum huc occurrit), planities inter Cyrum et Araxen (Adrabiganice; Kür et Araz respective) (40%), Camelariotopia et Guba (Adrabiganice; Dəvəçi et Quba respective) (Orientalis regio Caucasi Maioris) (38%), Caucasi Minoris sedes (29%), Gobustania (Adrabiganice; Qobustan), Lancarani (Adrabiganice; Lənkəran) regio in monte Talyso (27%) et Abseronica regio (22%). Boreorientales Caucasi Maioris clivi, Septemtrionales, Boreorientales et Orientales Caucasi Minoris clivi et mons Talysum immanes silvosae areae Adrabiganicae putantur.
Endemiae sunt circa 400 species plantarum (quarum circa 16 Caspiarum algarum species), septem reptilia et percae e quindecim speciebus et sex subspecies Gobiidarum. Plerique endemii aquae dulcis pisces ad Cypriniformes pertinent. Nihilominus sensu stricto endemia mammalia non sunt. Praecipua biodiversitatis amissae causa in Adrabigania naturalium ambituum deminutio est.
[recensere] Administrativae partes
Adrabigania dividitur in quinquaginta novem pagos (Adrabigane: rayon), undecim urbes (şəhər), et unam rem publicam autonomicam (muxtar respublika), quae in septem pagos et unam urbem iterum dividitur. In indice inferiori, administrativae res secundum Adrabiganicum nomen ordinantur.
| Numerus in tabula | Raio contiguae Adrabiganiae Latine | Raio Adrabiganice | Caput Raionis sive urbs administrativa Latine | Caput Raionis sive urbs administrativa Adrabiganice |
|---|---|---|---|---|
| 1 | Abseron | Abşeron | Chyrdalanum | Xırdalan |
| 2 | Aghdzabadium | Ağcabədi | Agdzabadium | Ağcabədi |
| 3 | Aghdamum | Ağdam | Agdamum | Ağdam |
| 4 | Aghdasum | Ağdaş | Agdasum | Ağdaş |
| 5 | Axtafa | Ağstafa | Axtafa | Ağstafa |
| 6 | Axu | Ağsu | Axu | Ağsu |
| 7 | Sirvanum | Şirvan | ||
| 8 | Astara | Astara | Astara | Astara |
| 9 | Baku | Bakı | ||
| 10 | Balacanum | Balakən | Balacanum | Balakən |
| 11 | Perozetopia | Bərdə | Perozepolis | Bərdə |
| 12 | Beylaganum | Beyləqan | Beylaganum | Beyləqan |
| 13 | Bilasuvarum | Biləsuvar | Bilasuvarum | Biləsuvar |
| 14 | Dzabrayilum | Cəbrayil | Dzabrayilum | Cəbrayil |
| 15 | Dzalilibadum | Cəlilabad | Dzalilabadum | Cəlilabad |
| 16 | Dascesenum | Daşkəsən | Dascesenum | Daşkəsən |
| 17 | Camelariotopia | Dəvəçi | Camelariopolis | Dəvəçi |
| 18 | Fuzulia | Füzuli]] | Alchanlium | Alxanli |
| 19 | Gadabayum | Gədəbəy | Gadabayum | Gədəbəy |
| 20 | Thesauropolis | Gəncə | ||
| 21 | Goramboyum | Goranboy | Goramboyum | Goramboyum |
| 22 | Goysayum | Göyçay | Goysayum | Göyçay |
| 23 | Hadzigabulum | Hacıqabul | Castrum Machometi | Qazıməmməd |
| 24 | Imislium | İmişli | Imislium | İmişli |
| 25 | Ismaelia | İsmayıllı | Ismaelopolis | İsmayıllı |
| 26 | Calbadzarum | Kəlbəcər | Calbadzarum | Kəlbəcər |
| 27 | Curdamirum | Kürdəmir | Curdamirum | Kürdəmir |
| 28 | Lasinum | Laçın | Lasinum | Laçın |
| 29 | Lancaranum | Lənkəran | Lancaranum | Lənkəran |
| 30 | Lancaranum | Lənkəran | ||
| 31 | Lericum | Lerik | Lericum | Lerik |
| 32 | Masallium | Masallı | Massallium | Masallı |
| 33 | Mingasevirum | Mingəçevir | Mingasevirum | Mingəçevir |
| 34 | Naphthapolis | Naftalan | ||
| 35 | Naphthataphia | Neftçala | Naphthataphopolis | Neftçala |
| 36 | Oguzia | Oğuz | Oguzopolis | Oğuz |
| 37 | Gabala | Qəbələ | Gabala | Qəbələ |
| 38 | Gachum | Qax | Gachum | Qax |
| 39 | Gazachum | Qazax | Gazachum | Qazax |
| 40 | Gobustania | Qobustan | Maraza | Mərəzə |
| 41 | Guba | Quba | Guba | Quba |
| 42 | Gubadlyum | Qubadlı | Guybadlyum | Qubadlı |
| 43 | Gusarum | Qusar | Gusarum | Qusar |
| 44 | Saatlyum | Saatlı | Saatlyum | Saatlı |
| 45 | Sabiria | Sabirabad | Sabiropolis | Sabirabad |
| 46 | Sacia | Şəki | Sacapolis | Şəki |
| 47 | Sacapolis | Şəki | ||
| 48 | Salyanum | Salyan | Salyanum | Salyan |
| 49 | Camachia | Şamaxı | Camachia | Şamaxı |
| 50 | Sampcirum | Şəmkir | Sampcirum | Şəmkir |
| 51 | Theratopia | Samux | Nabiagalyum | Nəbiağalı |
| 52 | Melanogynaecia | Siyəzən | Melanogynaecopolis | Siyəzən |
| 53 | Sumgayitum | Sumqayıt | ||
| 54 | Susa | Şuşa | Susa | Şuşa |
| 55 | Susa | Şuşa | ||
| 56 | Tartarum | Tərtər | Tartarum | Tərtər |
| 57 | Tovuzum | Tovuz | Tovuzum | Tovuz |
| 58 | Udzarum | Ucar | Udzarum | Ucar |
| 59 | Chasmazum | Xaçmaz | Chasmazum | Xaçmaz |
| 60 | Stephanopolis | Xankəndi | ||
| 61 | Cyanolimnia | Göygöl | Hellenapolis | Göygöl |
| 62 | Chyzyum | Xızı | Chyzyum | Xızı |
| 63 | Chocalyum | Xocalı | Chocalyum | Xocalı |
| 64 | Martunitopia | Xocavənd | Martunipolis | Xocavənd |
| 65 | yardymplyum | Yardımlı | Yardymplyum | Yardımlı |
| 66 | Yeulachum | Yevlax | Yeulachum | Yevlax |
| 67 | Yeulachum | Yevlax | ||
| 68 | Zangilanum | Zəngilan | Zangilanum | Zəngilan |
| 69 | Zagatala | Zaqatala | Zagatala | Zaqatala |
| 70 | Xanthydria | Zərdab | Xanthydropolis | Zərdab |
Huc infra Rei Publicae Autonomicae Naxuanae septem raiones et urbs in catalogum rediguntur et seorsum enumerantur:
| Numerus in tabula | Raio Adrabiganicae Autonomicae Rei Publicae Naxuanae Latine | Raio Adrabiganice | Caput Raionis sive urbs administrativa Latine | Caput Raionis sive urbs administrativa Adrabiganice |
|---|---|---|---|---|
| 1 | Babacia | Babək | Babacopolis | Babək |
| 2 | Dzulfa | Culfa | Dzulfa | Culfa |
| 3 | Cangarlia | Kəngərli | Gyuragum | Qıvraq |
| 4 | Naxuana | Naxçıvan | ||
| 5 | Ordubadum | Ordubad | Ordubadum | Ordubad |
| 6 | Sadaracum | Sədərək | Haydaropolis | Heydərabad |
| 7 | Sachbuzum | Şahbuz | Sachbuzum | Şahbuz |
| 8 | Sarurum | Şərur | Sarurum | Şərur |
Huc infra quoque in catalogum rediguntur praecipuae Adrabiganicae urbes:
| Locus | Urbs | Raio | Incolae | Locus | Urbs | Raio | Incolae | ||
|---|---|---|---|---|---|---|---|---|---|
| 1 | Baku (Bakı) | Abseron | 2 036 000 | 11 | Stephanopolis (Xankəndi) | 54 982 | |||
| 2 | Thesauropolis (Gəncə) | 320 348 | 12 | Lancaranum (Lənkəran) | Lancaranum | 50 244 | |||
| 3 | Sumqayit (Sumqayıt) | 279 086 | 13 | Rasulzada (Rəsulzadə) | 47 921 | ||||
| 4 | Mingasevirum (Mingəçevir) | Mingasevirum | 99 775 | 14 | Biladzarium (Biləcəri) | 45 008 | |||
| 5 | Garasuchurum (Qaraçuxur) | 77 619 | 15 | Mastaga (Maştağa) | 42 196 | ||||
| 6 | Sirvanum (Şirvan) | Sirvanum | 75 453 | 16 | Agdamum (Ağdam) | Agdamum | 41 827 | ||
| 7 | Naxuana (Naxçıvan) | Naxuana | 74 203 | 17 | Perozepolis (Bərdə) | Perozetopia | 40 122 | ||
| 8 | Bacychanovum (Bakıxanov) | 70 923 | 18 | Chasmazum (Xaçmaz) | Chasmazum | 39 744 | |||
| 9 | Sacapolis (Şəki) | Sacia | 65 045 | 19 | Dzalilabadum (Cəlilabad) | Dzalilabadum | 39 230 | ||
| 10 | Yeulachum (Yevlax) | Yeulachum | 56 726 | 20 | Housanum (Hövsan) | 38 257 |
[recensere] Gubernatio et politia
.jpg)
Structuralis Adrabiganici politici systematis formatio novae Constitutionis acceptatione die 12 Novembris anni 1995 completa est. Secundum articulum 23 Constitutionis, civitatis symbola Adrabiganicae Rei Publicae vexillum, insigne et hymnus publicum sunt. Civitatis potestas in Adrabigania solum intestinarum rerum legibus limitatur, sed internationalibus in rebus quoque internationalium consensuum provisionibus limitatur.
Adrabiganica gubernatio in potestatum separatione inter legiferum, exsecutivum et iudicialem ramos fundatur. Legisferam potestatem unicamerale Concilium Nationale (Adrabiganice: Milli Məclis) et Concilium Nationale Supremum in Re Publica Autonomica Naxuanae tenet. Parlamentaria comitia quoque quinquennio primo die Solis Novembris habentur. Comitialium resultationum accuratio Tribunale Constitutionali inspiciuntur confirmanturque. Concilio Nationali decretae leges, exceptis secus denotatis legibus, die editionis valere coepiunt. Exsecutiva potestas a Praeside, uni quinquennio per comitia directa electo, geritur. Praeses approbatus est ut Consilium Ministrorum, inferius exsecutivum corpus sui subiectum formet. Consilium Minsitrorum Adrabiganicum praecipue in Primo Ministro, eius Legatis et Ministris consistit. Praeses ius solvendi Concilii Nationalis non habet, sed ius intercedendarum eius decisionum habet. Ut praesidalis intercessio fugitur, parlamentum maximam 95 suffragiorum partem habere debet. Iudicialis potestatis sedes Tribunal Constitutionale, Tribunal Supremum et Tribunale Oeconomicum sunt. Praeses iudices in his tribunalibus nominat.
Concilium Salutis deliberativum corpus post praesidem est qui id secundum Constitutionem instruit. Die 10 Aprilis anni 1997 constitutum est. Administrativa sedes praesidalis graphei pars non est, sed fiscalis, technicae et pecuniariae activitatis praesidis et eius graphei assecurationem gerit.
[recensere] Res externae
Brevi cum vita Res Publica Democratica Adrabiganiae in statuendis diplomaticis rationibus cum sex civitatibus bene evenit, mittendis diplomaticis legatis in Germaniam et Finniam. Ad Adrabiganicam libertatem agnoscendam inter civitates processus, Unione Sovietica conlapsa, fere unum annum duravit. Ultima civitas, Baharina, Adrabiganiam die 6 Novembris 1996 agnovit. Plenae diplomaticae rationes, inclusis mutuis legationum commutationibus, primum cum Turcia, Pacistania, Civitatibus Foederatis, et Irania statutae sunt.
Adrabigania diplomaticas rationes cum 158 civitatibus habet et triginta octo internationalium societatum socia est. Observatricis statum habet in Motu Non Allineatarum et Syndicato Mercaturae Mundanae et Unionis Internationalis Telecommunicationum epistularia socia est. Adrabiganica diaspora in triginta sex civitates repraesentatur, mediorum ethnicorum allophylorum duodecades (Theodisca culturalis societas Karelhaus, Slavica culturae sedes, Adrabiganico-Israelica communitas, Carduchicum culturali sedes, Internationalis Talysica Consociatio, Lezginicum nationale sede Samur, Adrabiganico-Tartarica communitas, Tartarorum Crimaeorum societas, etc.) rursus in civitate operantur. Die 9 Maii 2006, Adrabigania nove conditi Consilii Iurum Humanorumum sociarum una a Concilio Generali Consociationis Nationis electa est. Terminus Graphei die 19 Iunii 2006 coepit.
Rerum externarum primatus Adrabiganici comprehendunt: primum omnium, territorialis integritatis restitutionem, Carabachiae Superioris et aliarum septem Adrabiganicarum regionum perditarum consequentarum eliminationem, bonae vicinitatis et mutualiter fructuosarum rationum cum vicinis civitatibus auctum; transregionalium oeconomicorum, energeticorum, et transvectionis propositorum promotionem. Adrabiganica gubernatio, exeunti 2007, vetustam "discussionem" de Carabachia Superiori, ab Armeniis occupato territorio, fere certam provocando bello esse affirmavit si non solveretur. Gubernatio in processu augendae dispensationis oeconomicae militaris est quia petrolei gasiique reditus numeratae pecuniae torrens eius arcis dat. Praeterea, oeconomicae sanctiones Turciae per occidentem et ipsius Adrabiganiae per orientem, coniunctae sunt ut Armeniaca oeconomia graviter erodatur, cum "basicarum" rerum pretiorum incremento et magno Armeniacae civitatis redituum decremento.
Adrabigania internationalium coalitionum contra tromocratiam pugnantium activa socia est. Natio conatibus pacis servandae in Agro Merulensi, Afganistania, et Iraquia contribuit. Adrabigania est impigra programmatis Otanici de "Sodalitate pro Pace" socia. Etiam bonas rationes cum Unione Europaea habet, et suum ingressum aliquando petere posset.
[recensere] Res militares
Moderni Adrabiganici exercitus historia a Re Publica Democratica Adrabiganiae anno 1918 coepit, cum nove formatae Rei Publicae Democraticae Adrabiganicae Exercitus Nationalis die 26 Iunii 1918 creatus sit. Cum Adrabigania libertatem consecuta est, conlapsa Unione Sovietica, Vires Armatae secundum Legem de Viribus Armatis diei 9 Octobris 1991 creatae sunt. Primus cum brevi vita conditi Exercitus Nationalis dies (26 Iunii) hodierna in Adrabigania celebratur.
In principio, Adrabiganici Exercitus apparatura et conlocationes Quarti Exercitus Sovietici erant. Viribus Armatis quattuor rami sunt: Viri Terrestres, Vis Aeria Visque Defensionis Aeria (coniunctus ramus), Militia Navalis et Vires ad Pacem Servandam. Praeter Vires Armatas varii militares subcirculi sunt qui in civitatis defensione implicari possunt si opus esset. Qui Ministerii Politicae Internae Copiae Internae et Diaconiae Limitaris Civitatis vires ad quam Praesidium Litoreum quoque pertinet, sunt. Custodia Nationalis Adrabiganiae primum Exercitus Adrabiganici elementum est. Quae ut e Ministerio Defensionis Adrabiganiae semilibera entitas operatur.
Adrabigania Foederi de Viribus Armatis Conventionalibus in Europa haeret et principalia de armis foedera obsignavit. Adrabigania cum OTAN intentissime conlaborat in programmatibus ut Sodalitas pro Pace et Propositum Actionis Sodalitatis Individualis sunt. Adrabigania 151 Vires ad Pacem Servandam in Iraquia et alios 100 in Afgania diduxit.
Militaris Adrabiganica praecomputatio anno 2009 2.46 miliarda Dollariorum Statuninetsium statuta est. Adrabigania suam propriam Industriam Defensionis habet quae parvula arma, artilleriae systemata, varia militaria vehicula et militaria aeroplana helicopteraque fabricatur.
Vires Armatae Adrabiganiae sodalitatem conlaborationis de exercitatione cum Custodia Exercitus Nationalis Oclahomae habent.
[recensere] Oeconomia
Post libertatis consecutionem anno 1991, Adrabigania Aerarii Monetarii Internationalis, Argentariae Mundanae, Argentariae Europaeae Reconstructionis et Evolutionis, Argentariae Islamicae Evolutionis et Argentariae Asianae Evolutionis socia facta est. Argentarium systema Adrabiganiae ex Argentaria Nationali Adrabiganiae, commercialibus argentariis, et non crediticiis societatibus consistit. Argentaria Nationalis anno 1992 in Aerario Comparsorum Civitatis Adrabiganiae, Aerarii Comparsorum URSS affiliato, fundata creata est. Argentaria Nationalis Mediae Argentariae servit, nationalem nummum, Adraniganicam monetam, expedire et omnibus commercialibus argentariis praesidere potens. Praecipuae duae commerciales argentariae Argentaria Internationalis Adrabiganiae et Argentaria Anonyma Universa Unita, civitatis proprietatum ambae, sunt.
Sumptu et quaesiti incremento impulsa, anni 2007 primi quarti inflationis index 16.6% attigit. Nominales reditus et menstrua salaria 29% et 25% respective contra hunc signum numerale ascenderunt, sed pretiorum incrementum in non petroleosa industria inflationem in natione citavit. Adrabigania sic dicti "morbi Batavi" aliquae signorum ostendit quia rapide crescens energeticus ramus inflationem efficit.
Duo Adrabigania tertia petroleo et gasio naturali abundant. Caucasi Minoris regio nationalem maximam auri, argenti, ferri, cupri, titanii, chromii,mangani, cobalti, molybdeni, complexorum mineralium, et stibii partem possidet. Septembre anni 1994, triginta annorum pactum obsignaverunt Societas Petrolei Civitatis Rei Publicae Adrabiganae (Anglice: SOCAR) et tredecim petrolei societates, inter quas Amoco, BP, Exxon, LUKoil et Statoil. Quia Occidentales petrolei societates aquarum profundarum petroliferis campis quibus Sovietici non usi sunt uti possunt, Adrabigania praecipuorum locorum in mundo unus ad petroleo utendum et evolvendum consideratur. Dum Aerarium Petrolei Civitatis ut pecunia conlecta extra praecomputationem conditum est ut macrooeconomica stabilitas, in petrolei redituum dispensatione perspicuitas et futuris generationibus opium protectio firmentur.
Ineunti anno 2007, Adrabigania agricultuae 4 755 100 hectariis utitur. Eodem anno, totae ligneae opes 136 000 000 m³ dinumerabant. Adrabiganica de agricultura scientificae investigationis instituta pratos pastosque, horticulturam subtropicasque messes, viridia holera, viticulturam vinificationisque, gossypini culturam, et plantas officinales attendunt. Aliquibus in locis frumentum, patatas, betam sacchari, gossypinum, et tabacum colere rentabile est. Caspii industria piscatoria deminuentes acipenserum et husonumque copias attendit. Anno 2002, Adrabiganae naves onerariae quinquaginta quattuor erant.
Aliquae plerorumque productorum antea ex externis civitatibus importatorum partes localiter produci coeperunt, inter quae Coca-Cola a Coca-Cola Bottlers Ltd., cervisia a Baki-Kastel, pavimentum tessellatum a Nehir, et petroliferi tubi ab EUPEC Pipe Coating Azerbaijan.
Adrabigania etiam est oeconomica ponderis sedes, in eo quod attinet ad materiarum primitivarum transvectionem. Oleiductus Bakus, Triphelis et Pyramopolis operativus Maio anni 2006 factus est, 1774 chiliometra per Adrabiganum (440 km), Georgianum (260 km) et Turcicum (1114 km) territorium longus. Oleiductus Bakus, Triphelis, et Pyramopolis ad transvehendum usque ad 50 miliones tonnarum olei rudis anniversarie designatur et petroleum e Maris Caspii petroliferis campis ad mercatus orbis terrarum defert. Oleiductus Caucasi Meridionalis, quoque per Adrabiganum, Georgianum et Turcicum territorium extensus, exeunte anno 2006 operativus factus est et additicium gasii quaesitum Europaeo mercatu e Campo Gasii Sachi Denizi offert. Usque ad 296 miliarda metrorum cubicorum naturalis gasii anniverse producere expectatur. Adrabigania etiam in Viae Sericae Proposito ab Unione Europaea sustento praecipuum munus fungitur.
Anno 2008, Adrabigania ut decem reformatricum prima secundum Argentariae Mundanae Negotiorum Facientium relationem citata est:
- Adrabigania mundum ut maximam reformatrix annis 2007 et 2008 duxit, cum profectibus in septem decem indicum regulatoriae reformae. Adrabigania unius ostioli tabernam temporis, impensae, et ad negotium suscipiendum actionum numeri dimidio parcentem operari coepit. Negotiorum inscriptiones 40% primis sex mensibus auxit. Adrabigania etiam minimi crediti 1100 $ limitem sustulit, duplicando amplius daneioleptarum inclusorum in creditorum incriptionibus numero. Etiam, vectigalium solutores sua vectigalia per Interrete ordinare et solvere nunc possunt. Adrabiganiae extensae reformationes e nonaginta septem in triginta tres locum de tota negotiorum suscipiendum facilitate eam movit.
[recensere] Transvectio et communicationes
Anno 2002, Adrabigania in per capita Telephoni gestabilis usu dux in Independentium Civitatum Foederatione fuit. Publica solutionis telephona localibus telephonematibus prompta sunt et emptionis tesseram telephonicae permutationi aut aliquibus tabernis tabernulisque requirunt. Tesserae indefinitae spatii temporis telephonemata permittunt. Anno 2005, 1 091 400 principales telephonici funes et 1 036 000 Interretis usuarii erant. Tria Systemata Universa Communicationum Gestabilium: Azerfon (NarMobile), Bakcell, et Azercell telephonorum gestabilium operatra et One accessus multiplex per divisionem codicis sunt.
Ferrivia modi lati anno 2005 2957 chiliometra extensa est et electrificatae ferriviae 1278 chiliometra erant. Aeroportuum numerus anno 2006 erat triginta sex; erat unus heliportus quoque.
[recensere] Demographia
| Ethnica compositio (1999) | |
|---|---|
| Adrabigani | 90.6% |
| Lezgini | 2.2% |
| Russi | 1.8% |
| Armeniaci | 1.5% |
| Talysi | 1.0% |
| Turcae | 0.6% |
| Aliae nationes | 2.3% |
E totis incolis Aprile anni 2006, 4 380 000 hominum urbem (circa 51%) et 4 060 000 rus (49%) incolunt. Incolarum 51% sunt feminae; proportio sexualis igitur omnium incolarum illo anno 0.94 viri pro femina erat.
Anni 2006, incolarii incrementi index 0.66% fuit, 1,14% mundano conlatus. Significativum elementum incolarium incrementum restringens valde magnus emigrationis gradus est. Anno 2005, verbi gratia 1342 viri et 1564 feminae nationem ob laboralem migrationem reliquerunt. Anno 2006, Adrabigania 4.38 pro 1000 hominum emigrationem vidit. Maxima morbiditas anno 2005 inter respiratorios morbos (806.9 morborum pro 10 000 hominum omnium incolarum) fuit. Maxima anni 2005 morbiditas contagionis et parasitariis morbis nota est inter influentiam et infectiones respiratorias acutas (4168.2 pro 100 000 hominum). Anni 2007 valor approximativus totius vitalis exspectationis 66 annorum, 70.7 annorum feminis et 61.9 viris est.
Ethnica incolarum compositio secundum incolarium censum anni 1999: 90.6% Adrabiganorum, 2.2% Lezginorum, 1.8% Russorum, 1.5% Armeniacorum (fere omnes secessam Carabachiam Superiorem incolunt), 1% Talysorum ( qui aliqui pauci nationalistici disputantes), 0.6% Avarorum, 0.5% Turcarum, Tartarorum, 0.4% Ucrainorum, 0.2% Tsachurorum, 0.2% Georgianorum, 0.13% Carduchorum, 0.13% Tatorum, 0.1% iudaeorum, 0.05% Otenorum et 0.2% aliarum est.
Quamquam lingua Adrabigania aut Azerica aut Atropatenica latissima lingua qua natio loquitur est, etiam aliae 13 autochthonicae linguae in natione sunt inter quas Russica, Lezginica, Talysica, Avara, Georgiana, Tsachurica, Curdica, Tatica, Otenica sunt. Quarum aliae linguae valde minimarum communitatum, aliae vitaliores sunt. Adrabigana Lingua Turcica est quae ad familiam Altaicam pertinet et intellegibilis cum Turcica. Lingua cum accommodato alphabeto Latino hodie scribitur, sed antea cum alphabeto Arabico (usque ad 1926), cum alphabeto Turcico uniformi (1929 1939), et cum alphabeto Cyrillico (1939– 1991). Alphabeticae mutationes religiosis politicisque viribus multo conformatae erant.
[recensere] Religio
Libertas religionis Constitutione praestatur. Secundum officiales numeros Musulmani inter 93.4% et 96% incolarum constituunt, quorum 85% Siitae et 15% Sunnitae sunt. Christiani e 3% adf 4% incolarum comprehendunt, quorum plerique Russici et Armeniaci Orthodoxi sunt. Anno 2003, 250 Catholici Romani erant. Aliae Christianae denominationes ex anno 2002 Lutheranos, Baptistas et Molocanos includunt. Etiam Iudaicae, Bahaicae, Harecrisnicae et Testium Iehovah communitates sunt, non minus quam Ecclesiae Nehemiae, Stellae in Ecclesia Orientali et Cathedrali Ecclesiae Laudis adhaerentes. Zoroastrianismus longam historiam in Adrabigania habuit, in locis ut Templum Ignis Bakuense evidens et iuxta cum Manichaeismo. Zoroastrianorum valor approximativus in Adrabigania circa 2000 est.
[recensere] Cultura
Adrabiganica cultura ut variorum ponderum resultatio evoluit, inter quae Turcarum, Persicum, Islamicum, et Caucasicum patrimonium non minus quam Russicum pondus ob antiquum Rei Publicae Sovieticae statum. Hodie, occidentale pondus, inclusa globalizata consumptorum cultura, grave est.
Adrabiganiae populus in Adrabiganis, repraesentativa societatis parte, non minus quam in nationibus et ethnicis circulis, varias nationis areas compacte incolentibus, consistit. Sunt radiophonicae divulgationes Russica, Armeniace, Georgice, Curdice, Lezginice, et Talysice quibus Civitas pecuniam e dispensatione suppeditat. Aliquae locales stationes radiophonicae Balacani et Chazmazi radiophonicas divulgationes Avarice et Tatice faciunt. In Baku varia diaria Russice, Curdice (Dengi Kurd), Lezginice (Samur) et Talysice produntur. Societas Iudaica "Sokhnut" diarium Aziz prodit.
Classica Adrabiganica musica mugamum (Adrabiganice: muğam) nominatur et de more series cum poëse et instrumentalibus interludiis est. Canta poësis aliquando Tahririca segmenta includunt quae gutturalis cantus forma pari iubilo utuntur. Poësis proprie de divino amore et saepe Sufico Islamismo conexa est. Adversus mugamicas Mediae Asiae nationum traditiones, Adrabiganicum mugamum forma liberius et minus rigidum; cum subitario iazii campo saepe confertur. Societatis Educativae, Scientificae, et Culturalis Consocietatis Nationum Adrabiganicam mugamicam traditionem Summum Opus Patrimonii Oralis et Intangibilis Humanitatis die 7 Novembris anni 2003 proclamavit. Meychana (Adrabigane: meyxana) et mugamum multarum musicalium traditionum Adrabiganicarum una sunt. Mugami cantor Alimus Qasimov quinque optimorum omnium temporum cantorum unus putatur. Meychana traditionalis Adrabiganici peculiariter vulgaris cantus genus sine instrumentis, qui e more a variis hominibus e tempore de particulari re dicentibus perficitur. Inter nationalia musica instrumenta quattuordecim intensa, octo pulsata et sex inflata sunt. Adrabigania Festivalia Cantionis Eurovisionis anno 2008 inivit ubi octavum locum inter 43 agonistas consecuta est.
Adrabiganica architectura Orientalibus Occidentalia elementa typice coniungit. Multi antiqui architectonici thesauri ut Turris Virginis et Regia Sirvansarum intra Bakuensia moenia in moderna Adrabigania supervivunt. Inter alios Mediaevales architectonicos thesauros variarum scholarum pondus reflectentes sunt Regia Sachorum Sirvanensium in Baku, Regia Chanium Sacapolitanorum in Sacapoli in medioboreali Adrabigania, Templum Surachaniense in Abseronica paeninsula, pontium numerus qui super flumen Araxen se extendunt et varia mausolea. Saeculis undevicensimo et vicensimo ineunti, monumentalis architecturae paulum creatum est, sed peculiares aedes in Baku et aliis locis aedificatae sunt. Inter recentissima architectonica monumenta, Bakuensis subterferrivia ob suum sumptuosum ornamentum notatur.
Referentiae, Patrimonii Mundani Societatis Educativae, Scientificae, et Culturalis Consocietatis Nationum temporario elencho offertae, Reservatum Nationale Gobustaniae, Templum Ignis Bakuense, Mausoleum Momini Khatun et Regiam Chanis Sacapolitanum includunt.
Adrabiganicae nationales et traditionales vestes sucha et papachius (Adrabigane: çuxa et papakh) sunt.
Gastronomia Adrabiganica ponderis pars Adrabiganicae culturae est. Climaticae diversitas fertilitasque terrae nationalibus in patinis reflectuntur quae in piscibus e Mare Caspio, localibus in carnibus (praecipue in ovilla et bubula) et in temporaria holerum copia fundantur. Safranatae oryzae pilafum (Adrabigane: plov) est Adrabiganicus principalis cibus et thea nigra civitatis potio.
[recensere] Notae
- ↑ "The International Population Day, The demographic situation in Azerbaijan" Azstat (2011). (Nexus die 2011-07-11 confirmatus)
- ↑
Fons nominis Latini desideratus (addito fonte, hanc formulam remove)
[recensere] Nexus externi
 |
Vicimedia Communia plura habent quae ad Adrabiganiam spectant. |
| Asia — Civitates |
|
Adrabigania | Afgania | Arabia Saudiana | Armenia | Baharina | Bangladesha | Birmania | Bruneium | Butania | Cambosia | Casachia | Chirgisia | Cuvaitum | Cyprus | Emiratus Arabi Uniti | Georgia | †Iaponia | Iemenia | India | †Indonesia | Iordania | Iraquia | Irania | Israel | Laotia | Libanus | Malaesia | Maldivae | Mogolia | Nepalia | Omania | Pakistania | †Philippinae | Quataria| Corea Meridionalis | Corea Septentrionalis | Respublica Populi Sinae | Russia | Singapura | Sri Lanca (Taprobane) | Syria | Tadzikistania | Thailandia | †Timoria Orientalis | Turcia | Turcomannia | Uzbecia | Vietnamia |
|
Asia — Territoria
|
|
Territoria Palaestinensia | Respublica Sinae (Taivania) †Etiam membrum Oceaniae est.
|
