Καὶ σὺ τέκνον
"Καὶ σὺ τέκνον;" fuisse traditur sententia ultima a C. Caesare locuta die 15 Martii 44 a.C.n., quo tempore inimici in Curia gladiis ferire coeperunt. Suetonius enim refert: "Atque ita tribus et viginti plagis confossus est uno modo ad primum ictum gemitu sine voce edito, etsi tradiderunt quidam Marco Bruto irruenti dixisse: Καὶ σὺ τέκνον;" Similiter et Dio Cassius: traditione verissima Caesarem nihil omnino dicisse; aliquos autem tradere eum his verbis M. Brutum interpulsisse, Καὶ σὺ τέκνον;[1]
Versio Latina in tragoedia Shakespeariana Iulius Caesar enuntiatur in versu bilingui "Et tu, Brute? Then die, Caesar!"[2] Quae verba Shakesperius in scriptis anterioribus reppererat, p. ex. in ludo Ricardi Eedes titulo Caesar interfectus, Latine anno 1582 docto.[3] Alia versio, "Tu quoque, fili mi?" in opere C. F. Lhomond De viris illustribus legitur.
[recensere] Notae
- ↑ Dio Cassius, Historia Romana 44.19.5
- ↑ Gulielmus Shakesperius, Iulius Caesar act. 3 sc. 1 v. 77
- ↑ Dyce, Alexander (1866). The Works of William Shakespeare. Londinii: Chapman and Hall. p. 648
